Edon Zhegrova, ylli kosovar i futbollit, ka tërhequr vëmendjen e disa klubeve të mëdha evropiane, me Napoli-n që shfaqet si një nga skuadrat më të interesuara për shërbimet e tij.

Sipas gazetarit të njohur italian, Fabrizio Romano, Napoli ka pasur bisedime këtë javë me klubin Lila për të siguruar transferimin e Zhegrovës. Megjithatë, klubi francez ka refuzuar të negociojë për një transferim të mundshëm të 25-vjeçarit gjatë merkatos së janarit.

Në të njëjtën kohë, Napoli vazhdon ta vlerësojë shumë lojtarin dhe e ka vendosur atë në krye të listës së objektivave për të ardhmen. Gjasat janë të mëdha që transferimi i Zhegrovës të realizohet në verën e vitit 2025, kur palët mund të gjejnë një marrëveshje për kalimin e tij në Serie A.