Këngëtari i njohur, Ervis Behari, ka ndarë emocionet dhe dhimbjen e tij për humbjen e nënës së tij gjatë një interviste të dhënë në emisionin “Se Luan Topi”. Duke u shprehur me lot në sy, ai tha se ishte i vetëdijshëm për sëmundjen e nënës së tij, por nuk e dinte se ajo ishte e pashërueshme.

Ditën që këngëtari po përgatitej të xhironte videoklipin për këngën e tij kushtuar nënës, babai i tij e mori në telefon dhe i bëri të ditur lajmin tronditës se nëna kishte ndërruar jetë. Ky moment i dhimbshëm e gjeti artistin në një periudhë shumë të vështirë, por pas shtatë ditësh, ai vendosi të vazhdonte përpara dhe xhiroi klipin e këngës në fshatin e tij, duke e ndarë kështu një homazh emocionues për nënën e tij.