Në një zhvillim të pazakontë, shumë nga zjarrfikësit që punojnë për të luftuar zjarret e mëdha në Los Angeles janë të burgosur. Departamenti i Korrigjimeve dhe Rehabilitimit të Kalifornisë i tha CNN se deri të premten, rreth 1000 të burgosur po punonin për të shuar zjarret.

Royal Ramey, një ish-burgosur që ka punuar si zjarrfikës gjatë kohës që ishte në burg dhe që u fal nga guvernatori Gavin Newsom në vitin 2022, foli për televizionin amerikan. Ai shpjegoi se puna që bëjnë të burgosurit është praktikisht e njëjtë me atë që bëjnë zjarrfikësit e rregullt. “Ne jemi atje. Ne jemi në vijën e parë. Po përdorim mjetet. Po bëjmë punën tonë,” tha Ramey, duke theksuar angazhimin dhe përkushtimin që kanë ata, pavarësisht situatës së tyre.