Një prokuror në Turqi ka kërkuar dënimin me 108 vjet burg për një 18-vjeçar, Arda K, i cili ishte i përfshirë në një sulm me thikë që la të plagosur pesë persona. I riu akuzohet për “vrasje të mbetur në tentativë” dhe “kanosje për të shkaktuar frikë dhe panik në publik”.

Sipas Hurriyet Daily News, ngjarja ndodhi më 12 gusht 2024 në provincën perëndimore të Eskişehirit, kur Arda K, i veshur me një jelek antiplumb dhe simbole naziste, dhe i mbështjellë me një helmetë dhe maskë, sulmoi disa individë me thikë dhe sëpatë në disa zona të ndryshme. Ai gjithashtu e regjistroi sulmin përmes një kamere të bashkangjitur në trupin e tij, duke e transmetuar ngjarjen në kohë reale.

Hetimet zbuluan se sulmuesi kishte marrë urdhra për veprimin nga një individ që e kishte njohur në një platformë lojrash online. Ky person, i cili pretendonte të ishte nga Evropa Lindore dhe disa vite më i ri se Arda, e udhëzoi atë për të realizuar sulmin dhe për të zgjedhur vendndodhjen e tij. Ata kishin diskutuar për armë, bomba dhe sulme të armatosura, duke planifikuar së bashku këtë akt të dhunshëm.