Një kamionçinë është përmbysur këtë mëngjes pranë urës së Matit në Fushë Milot, gjatë udhëtimit të saj në drejtim të Shkodrës. Fatmirësisht, drejtuesi i automjetit ka shpëtuar pa pësuar lëndime, ndërsa janë shkaktuar vetëm dëme materiale.

Për të larguar mjetin nga rruga dhe për të normalizuar qarkullimin, kanë ndërhyrë punonjësit e mirëmbatjes dhe policia e zonës. Aksidenti ka shkaktuar disa pengesa, por situata është rregulluar shpejt pas ndërhyrjes.