Një ngjarje e rëndë ka ndodhur pak më parë në qytetin e Shkodrës, ku këngëtari Ademir Fresku është plagosur me armë të ftohtë, një thikë, në zonën pranë teatrit “Migjeni”. Sipas informacionit të parë nga Policia e Shkodrës, i dyshuari për plagosjen është identifikuar si Gjergj Dardha, i cili është arrestuar nga autoritetet.

Policia ka njoftuar se plagosja ka ndodhur pas një konflikti të çastit mes dy personave, ku i dyshuari ka përdorur një mjet prerës për të dëmtuar Freskun. Për fat, këngëtari është jashtë rrezikut për jetën, ndërkohë që shërbimet e policisë po vazhdojnë hetimet për zbardhjen e plotë të ngjarjes.