Sherri mes Laertit dhe Gertit ka arritur kulmin, me akuza të ndërsjella dhe përplasje të forta verbale. Laerti e quajti Gertin “shpifës” dhe “i ndyrë”, duke e akuzuar për sjellje të dyfytyrshme, ndërsa Gerti reagoi i revoltuar, duke theksuar se ka fëmijë të vegjël dhe nuk dëshiron të përfshihet në debate të tilla.

“Në 1 dhjetor kemi festuar bashkë, po ku ke fjetur?” – i tha Laerti Gertit, duke e akuzuar për hipokrizi. Në përgjigje, Gerti u përpoq të ruante qetësinë, por nuk i fshehu zhgënjimin ndaj aktorit.

Tensioni mes tyre është rikthyer pas një përplasjeje të vjetër që daton që nga nëntori i vitit 2015, ku sipas Laertit, Gerti e kishte sulmuar për një keqkuptim lidhur me një fjalë në greqisht.

“Pas sherrit, më ka kërkuar ndjesë në gjunjë”, deklaroi Laerti, duke pretenduar se Gerti e kishte pranuar gabimin e tij.

Nga ana tjetër, Gerti nuk i ka pranuar akuzat dhe e ka konsideruar sjelljen e Laertit si të papranueshme. “52 vjeç burrë dhe flet kështu?”, i tha ai, duke e quajtur debatin të pakuptimtë.

Situata mes dy konkurrentëve pritet të përshkallëzohet edhe më tej, duke sjellë një nga përplasjet më të forta në këtë format.