Policia e Shtetit ka shtrirë hetimet për ekzekutimin e Kristian Markut, i njohur edhe si Kristi Bardhi, ngjarje që ndodhi më 13 janar në autostradën Fier-Vlorë.

Hetimet shtrihen jashtë vendit
Grupi hetimor ka kërkuar informacion nga Interpol dhe po bashkëpunon me autoritetet në Kosovë për të identifikuar autorët e mundshëm të kësaj vrasjeje të rëndë.

Detajet e reja nga hetimet
Policia dyshon se autorët kanë arritur të largohen jashtë vendit pas ekzekutimit.
Në ngjarje janë përfshirë dy automjete: njëra ka ndjekur dhe ekzekutuar viktimën, ndërsa tjetra ka ndihmuar në arratisjen e autorëve pas djegies së makinës së parë.
Ndjekja e Kristian Markut dyshohet se ka nisur që nga rrethrrotullimi i Levanit, duke kulmuar me vrasjen e tij pranë nënkalimit të Novoselës.
Viktima ishte nisur nga Tirana me një makinë të marrë me qira, çka forcon dyshimet se ishte nën survejim që nga kryeqyteti.

Autoritetet vijojnë punën intensive për të zbardhur të plotë këtë ngjarje kriminale dhe për të identifikuar përgjegjësit.