Një aksident rrugor është regjistruar mëngjesin e së enjtes në autostradën Vlorë-Fier, ku një automjet ka dalë nga rruga. Nga incidenti janë lënduar katër nga gjashtë personat që ndodheshin në makinë.

Të plagosurit janë transportuar menjëherë në spital për të marrë ndihmën e nevojshme mjekësore. Gjendja e tyre shëndetësore ende nuk është bërë publike.

Policia ka mbërritur në vendngjarje dhe po kryen hetimet për të përcaktuar shkaqet e aksidentit. Ndërkohë, trafiku në zonë është normalizuar pas një ndalese të shkurtër për të menaxhuar situatën.