Një ngjarje tragjike ka ndodhur në burgun e Reçit, ku një i burgosur 35-vjeçar i ka dhënë fund jetës duke u vetëvarur në qelinë e tij.

Sipas burimeve zyrtare, bëhet fjalë për Sandër Deda, i cili sapo u konstatua nga punonjësit e shërbimit, u transportua me urgjencë në spitalin e Shkodrës, por fatkeqësisht nuk arriti të mbijetojë dhe ndërroi jetë në Sallën e Reanimacionit rreth orës 10:53.

Deda ishte i dënuar për plagosje të rëndë me dashje dhe sipas mjekëve të burgut, ai ishte trajtuar më parë për çrregullime të shëndetit mendor.

Autoritetet, përfshirë SHKBSB-në, Prokurorinë dhe familjarët e të ndjerit, janë njoftuar menjëherë dhe kanë nisur hetimet për të sqaruar rrethanat e plota të ngjarjes.