Shtëpia e “Big Brother VIP 4” është përfshirë nga një tjetër përplasje e fortë, këtë herë mes Gjestit dhe Jozit. Në një debat të ashpër, Gjesti e akuzoi Jozin se është “shpirt zi” dhe nuk e duron dot kur të tjerët ndihen mirë. Ai madje e quajti atë “bosh dhe të papjekur”, duke shtuar se Jozi është i prekur nga xhelozia.

Nga ana tjetër, Jozi nuk nguroi t’i kundërpërgjigjej, duke ironizuar se ai nuk ka asnjë arsye për të qenë xheloz ndaj Gjestit dhe madje shtoi me ironi:
“Dy gjëra të mësoj: të ndërrosh statusin dhe të këndosh”.

Përplasja e ashpër mes dy banorëve

Në një moment gjatë debatit, Gjesti ironizoi duke thënë:
“Ju bëj thirrje krejt youtuberave! Jozi ka zbuluar një super ide, vetëm i duhet një shok. 100 ditë rresht ke me shkuar shokut me i heq jorganin. Do bëhet hit!”

Por Jozi nuk qëndroi pa reaguar:
“Ajo e shkreta dy orë me e zgjuar”, duke nënkuptuar se Gjesti nuk ka energjinë që pretendon.

Debati vijoi më tej me akuza të ndërsjella, ku Gjesti e quajti Jozin “ofenduesin më të madh”, ndërsa Jozi e etiketoi atë si “mashkull i lagur”.

Kur Gjesti u përpoq të ironizonte aftësitë e Jozit, ky i fundit i dha një përgjigje thumbuese:
“I ndërroj statusin dhe e mësoj të këndojë”.

Me tone gjithnjë e më të ashpra, banorët duket se janë gjithnjë e më të ndarë, ndërsa debati mes Gjestit dhe Jozit po bëhet një nga temat më të diskutuara të momentit në Big Brother VIP 4.

A do të vazhdojë ky tension mes tyre apo do të gjejnë një mënyrë për të ulur gjakrat? Publiku mezi pret të shohë zhvillimet e radhës!