Një ngjarje e rëndë ka ndodhur mbrëmjen e sotme në Fushë-Mëzez, ku një i mitur 15-vjeçar është paraqitur në Spitalin e Traumës, pasi dyshohet se është dëmtuar me armë zjarri.

Sipas informacionit paraprak, ngjarja ka ndodhur rreth orës 20:30 dhe rrethanat e saj ende mbeten të paqarta. I mituri ndodhet nën kujdesin e mjekëve, ndërsa gjendja e tij shëndetësore nuk është bërë ende e ditur.

Ndërkohë, shërbimet e Policisë dhe grupi hetimor kanë nisur punën për zbardhjen e plotë të ngjarjes dhe dokumentimin ligjor të saj. Autoritetet po hetojnë nëse bëhet fjalë për një aksident apo një ngjarje kriminale.