Policia e Vlorës ka bërë të mundur arrestimin në flagrancë të 2 shtetasve.

Shtetasi Xh. M., 28 vjeç, banues në Sarandë, është arrestuar nga policia pasi ka ushtruar dhune fizike ndaj bashkëshortes së tij.

Në pranga gjithashtu ka rënë edhe shtetasi A. S., 40 vjeç, banues në Vlorë. Ky shtetas është konstatuar nga policia mbrëmjen e djeshme duke drejtuar motomjetin pa leje drejtimi, dhe ka aksidentuar një shtetas të mitur 5 vjeç, i cili ndodhet në spital jashtë rrezikut për jetën.

Njoftimi i policisë

DVP Vlorë

Arrestohet në flagrancë 2 shtetas, për vepra të ndryshme penale.

Specialistët për Hetimin e Krimeve në Komisariatin e Policisë Vlorë arrestuan në flagrancë për veprën penale “Dhuna në familje”, shtetasin Xh. M., 28 vjeç, banues në Sarandë, pasi ka ushtruar dhunë fizike ndaj bashkëshortes së tij.

Specialistët e Qarkullimit Rrugor në DVP Vlorë arrestuan në flagrancë shtetasin A. S., 40 vjeç, banues në Vlorë, pasi mbrëmjen e djeshme, në rrugën “Demokracia”, Vlorë, duke drejtuar motomjetin, pa leje drejtimi, ka aksidentuar një shtetas të mitur 5 vjeç, i cili ndodhet në spital jashtë rrezikut për jetën.

Materialet u referuan në Prokurorinë, për veprime të mëtejshme.