Kledia Kollazi, një 22-vjeçare nga fshati Karbunarë e Madhe, humbi jetën në mënyrë tragjike mesditën e sotme në Lushnjë. Ajo u vetëhodh nga kati i 9-të i një pallati 10 katësh, duke gjetur vdekjen e menjëhershme. Dyshohet se e reja vuante nga depresioni dhe se ka kryer aktin ekstrem për shkak të kushteve psikologjike të rënduara.

Një detaj i trishtuar është fakti se babai i saj kishte kryer vetëvrasje në vitin 2019, duke u vetëhedhur nga një ndërtesë në të njëjtën mënyrë. Ai gjithashtu vuante nga depresioni, duke e bërë këtë ngjarje edhe më tragjike për familjen e Kledias.

Fillimisht, u raportua se viktima ishte 15-vjeçe, por më pas u konfirmua se ajo ishte 22-vjeçare. Policia ka nisur hetimet për të zbardhur plotësisht shkaqet dhe rrethanat e këtij akti tragjik.