Karabinierët e kompanisë Riccione në Itali kanë arrestuar një 26-vjeçar shqiptar, i akuzuar për posedim të lëndëve narkotike me qëllim tregtimin. Gjatë një kontrolli të realizuar nga forcat e sigurisë, ata panë dy persona që po shkëmbenin diçka të dyshimtë dhe kur i panë karabinierët, ata tentuan të largoheshin.

Gjatë kontrollit, 26-vjeçarit iu gjetën doza kokaine dhe euro cash. Po ashtu, personi tjetër që po shkëmbehej me të u shoqërua dhe iu gjet sasi droge. Në vijim të hetimeve, në afërsi u gjetën mbi 40 pako kokaine të fshehura brenda një pakoje me çamçakëz, me vlerë tregu disa mijëra euro.

Gjithashtu, në një kontroll të mëtejshëm, u sekuestruan mbi 20 mijë euro cash. 26-vjeçari u arrestua në flagrancë dhe pas procedurës gjyqësore, Gjykata e Riminit e la në fuqi arrestimin e tij.