Policia nën drejtim te Prokurorisë ka ndërmarrë një aksion pasditen e sotme në Vlorë për parandalimin e lojërave të fatit dhe kapjen e personave me precedent penal.

Po ushtrohen kontrolle në ambientet që frekuentohen nga persona me precedent penal, kryesisht me tendencë krime kundër personit dhe armëmbajtje pa leje.

Operacioni vijon, ndërsa janë shoqëruar disa persona si dhe janë bllokuar 5 pika lojërash fati. Aksioni vijon ende dhe është shtrirë edhe në lagje periferike të qytetit, ku ka dyshime po ashtu për zhvillimin e aktivitetit të paligjshëm të lojërave të fatit.

Bëhet me dije se prej disa ditësh Policia në Vlorë ka mbajtur nën vëzhgim personat që i frekuentonin këto ambiente, ndërsa sot u bë finalizimi i operacionit.