Chelsea ka marrë një fitore të rëndësishme në “Stamford Bridge” ndaj West Ham United, duke triumfuar 2-1 me përmbysje në ndeshjen e vlefshme për javën e 24-të të Premier League.

Miqtë kaluan të parët në avantazh me një gol të Bowen në minutën e 42-të, duke e mbyllur pjesën e parë në epërsi. Megjithatë, Chelsea u rikthye fuqishëm në pjesën e dytë, fillimisht me golin e Neto në minutën e 64-t dhe më pas me një autogol të Wan-Bissaka në minutën e 74-t, që vulosi fitoren për Blutë e Londrës.

Me këtë sukses, Chelsea ngjitet në vendin e katërt në tabelë me 43 pikë, duke kaluar përkohësisht Manchester Cityn dhe duke mbajtur një pozicion në zonën Champions League. Ndërkohë, West Ham mbetet në vendin e 15-të me 27 pikë dhe vijon të përballet me një sezon të vështirë.

Në ndeshjet e tjera të kësaj jave në Premier League, Arsenal mposhti Manchester Cityn me rezultatin 5-1, ndërsa Manchester United u mund në shtëpi nga Crystal Palace me shifrat 0-2. Liverpool mori një fitore të pastër 2-0 ndaj Bournemouth, ndërsa Tottenham triumfoi 2-0 kundër Brentford.

Premier League vazhdon të dhurojë emocione, me luftën për titull dhe zonën e Champions League që mbetet e hapur.