Një ngjarje e rëndë është shënuar mëngjesin e kësaj të premteje në qytetin e Vlorës, ku një 50-vjeçar ka humbur jetën pasi ka rënë nga ballkoni i një pallati.

Ngjarja ka ndodhur rreth orës 09:00, në lagjen “28 Nëntori”, pranë Kishës Ortodokse.

Menjëherë pas marrjes së njoftimit, në vendngjarje kanë mbërritur shërbimet e Policisë, të cilat kanë nisur punën për zbardhjen e plotë të rrethanave të ngjarjes.

Paraprakisht nuk bëhen të ditura detaje të tjera lidhur me shkaqet dhe rrethanat në të cilat ka ndodhur rënia. Grupi hetimor po vijon veprimet për dokumentimin e plotë të ngjarjes.