Pas Greqisë, edhe Maqedonia e Veriut është goditur nga një tërmet herët në mëngjes. Lëkundjet sizmike u regjistruan në orën 01:50 me magnitudë 3.0 të shkallës Rihter dhe intensitet III ballë sipas Shkallës Makroseizmike Lokale.

Sipas Observatoriumit Sizmologjik të Fakultetit Natyror-Matematikor në Shkup, epiqendra e tërmetit ishte në rajonin e Dibrës, rreth 80 kilometra në jugperëndim të kryeqytetit. Lëkundjet janë ndjerë kryesisht në Dibër dhe zonat përreth, por deri tani nuk raportohet për dëme materiale apo të lënduar.

Ky tërmet vjen vetëm pak kohë pas atyre që goditën Greqinë, duke rritur shqetësimin për aktivitetin sizmik në rajon. Autoritetet vijojnë monitorimin e situatës, ndërsa qytetarët këshillohen të ruajnë qetësinë dhe të ndjekin udhëzimet e emergjencave civile.