Një përballje ligjore mes Blake Lively dhe Justin Baldoni po merr përmasa të mëdha, pasi disa yje të famshëm pritet të përfshihen në çështjen që po zhvillohet në një gjykatë federale në Nju Jork.

Sipas raportimeve, një “numër i konsiderueshëm individësh të njohur” do të thirren për të dëshmuar në këtë proces. Mes emrave të përmendur janë Ryan Reynolds, bashkëshorti i Lively dhe pronar i ekipit Wrexham, si dhe Taylor Swift, një nga shoqet e saj më të ngushta.

Akuza të rënda dhe padi për shpifje

Sipas avokatëve të Lively, Baldoni e ka ngacmuar seksualisht gjatë xhirimeve të filmit “It Ends With Us”, një projekt ku ai ishte si regjisor ashtu edhe aktor. Avokati Matthew Gottlieb e cilësoi këtë përvojë si “shkatërruese” për aktoren 37-vjeçare.

Nga ana tjetër, Baldoni, 41 vjeç, ka ngritur një paditë për shpifje prej 400 milionë dollarësh, duke pretenduar se akuzat e Lively kanë dëmtuar rëndë reputacionin dhe karrierën e tij.

Çështja merr një kthesë të re

Në gjykatë u bë e ditur se Lively po përgatitet të paraqesë akuza të reja, të cilat mund të përfshijnë individë të tjerë. Gjykatësi Lewis Liman ka urdhëruar avokatët e të dy palëve të ndalojnë dhënien e deklaratave publike që mund të ndikojnë mbi jurinë.

Kjo betejë ligjore mes dy yjeve të Hollywood-it pritet të zgjasë dhe të përfshijë dëshmi të rëndësishme nga figura të njohura të industrisë së argëtimit.