Ish-finalistja e Big Brother VIP Kosova 3, Xheneta Fetahu, ka reaguar për herë të parë mbi spekulimet e fundit që e lidhnin me një përballje të mundshme me Gjestin në Big Brother VIP Albania.

E ftuar në emisionin “Kosova Today”, Xheneta e mohoi kategorikisht këtë mundësi, duke thënë se nuk ka asnjë interes për t’u përballur me ish-partnerin e saj.

“Jom e shokume edhe e zhgënjyme, e lënduar veç për faktin se kom pas dyshime në raport me të. Ndjenjat e tij ndaj meje nuk kanë qenë të sinqerta, sepse nëse një person dashuron, nuk mundet pas 10 ditësh me shku e me bë të njëjtat gjëra si me mu. Loja është e përsëritur dhe më vjen keq nëse edhe një femër bie viktimë sikur unë.”

Ajo shtoi se ka parë të gjitha lajmet që kanë qarkulluar në media dhe se nuk i intereson të përfshihet në histori për vëmendje.

“Më vjen keq për njerëzit që mendojnë se unë i shfrytëzoj për famë. Në asnjë story nuk ka me u përmend emri i tij. Ishalla e shoh sa më lart, por kur ai e ka mbyll lidhjen me mu dhe e ka përmend ‘u kry çdo sen’, nuk ka pas nevojë me më përmend në një format tjetër. Nuk i besoj aspak dhe është personi i fundit që mundet me pas kontakt me mu.”

Deklarata e saj vjen pas disa ditësh spekulimesh në rrjete sociale dhe portale, ku thuhej se produksioni i BBVA po negocionte për një takim mes saj dhe Gjestit. Me këtë deklaratë, Xheneta ka vënë një pikë përfundimtare mbi këtë çështje.