Lëvizja Vetëvendosje ka njoftuar se do të ankohet në Gjykatën Supreme pas refuzimit të ankesës nga Paneli Zgjedhor për Ankesa dhe Parashtresa, i cili e kishte cilësuar ankesën si të pasafatshme. Partia kërkoi anulimin e rezultatit të zgjedhjeve të 9 shkurtit dhe përsëritjen e votimit me postë, duke pretenduar se ka prova për manipulimin e votave me postë.

Anëtari i Lëvizjes Vetëvendosje në Komisionin Qendror të Zgjedhjeve, Sami Kurteshi, deklaroi se kanë fakte të mjaftueshme që vërtetojnë manipulimin e votave dhe se procesi nuk ka qenë i drejtë.

Paneli Zgjedhjes për Ankesa dhe Parashtresa miratoi të dielën ankesën e partisë për rivlerësimin e 1631 fletëvotimeve të pavlefshme. Ky proces pritet të nisë së shpejti, më së largu të mërkurën.

Gjithashtu, Komisioni Qendror i Zgjedhjeve ka vendosur për rinumërimin e 50 vendvotimeve në nivel kombëtar, për shkak të mospërputhjeve midis numrit të votave dhe fletëvotimeve të shënuara.

Pavarësisht që zgjedhjet parlamentare të 9 shkurtit janë mbajtur një muaj më parë, ende nuk ka një rezultat përfundimtar për këtë proces zgjedhor.