Adriatik Lapaj ka reaguar në Facebook duke sqaruar arsyen pse ka përfshirë babanë e tij, Ferman Lapaj, si kandidat për deputet në qarkun e Beratit në listën e mbyllur të koalicionit “Nisma – Shqipëria Bëhet”.

Sipas Lapajt, listat e mbyllura të koalicionit përmbajnë prindër dhe familjarë të kandidatëve si një garanci për listat e hapura, ku garojnë emrat kryesorë, si ai vetë, por edhe Endri Shabani dhe Pano Soko.

Lapaj shpjegon më tej:
“Të gjithë anëtarët e kryesive të koalicionit tonë garojnë në listë të hapur, përfshirë dhe kryetarët. Lista e hapur do të thotë që nuk ka rëndësi renditja e kandidatit. Në fund, renditja do të bëhet sipas votave që merr secili.”