Detaje të reja janë zbuluar lidhur me ngjarjen tragjike që ndodhi një ditë më parë në Selanik, Greqi, ku një 53-vjeçar shqiptar vrau gruan e tij 44-vjeçare dhe më pas u hodh nga ballkoni.
Si ndodhi krimi?
Sipas mediave greke, gruaja e plagosur arriti të dilte në ballkon për të kërkuar ndihmë, por burri e tërhoqi sërish brenda shtëpisë, ku e goditi për vdekje me thikë. Pas aktit makabër, ai u hodh nga ballkoni dhe ndërroi jetë gjatë rrugës për në spital.
Vajzat e çiftit, 16 dhe 21 vjeç, nuk ishin në banesë në momentin e tragjedisë.
Dëshmitë e fqinjëve dhe miqve:
•Fqinjët e përshkruajnë çiftin si një familje e qetë, pa probleme të dukshme apo zhurma të dyshimta.
•Nuk ka pasur denoncime të mëparshme për dhunë në familje.
•Një mikeshë e viktimës ka treguar për Protothema:
“Ajo ishte një grua e qetë dhe e përkushtuar ndaj fëmijëve të saj. Kishte probleme me burrin, por nuk dha detaje.”
