“Paketën e Maleve” – 73 vota pro, 1 abstenim, 1 kundër
• Lehtëson procedurat e pronësisë dhe ndërtimit në zonat malore.
• Përfshin politika fiskale stimuluese për investime në turizmin malor.
• Blendi Gonxhja: Ligji do të nxisë zhvillimin ekonomik dhe turistik në malësi.

Marrëveshja për financimin e sistemit të kamerave – 74 vota pro, 1 kundër
• 118.5 milionë USD hua nga Fondi për Zhvillim i Abu Dhabit.
• Qëllimi: Monitorimi dhe kontrolli më i mirë i territorit për rritjen e sigurisë publike.
• Sistemi i ri i kamerave do të jetë nën administrimin e Policisë së Shtetit – Smart City.

Po ashtu Kuvendi ratifikoi edhe dy marrëveshje të rëndësishme me Bashkimin Europian.

Konkretisht në seancën e sotme u ratifikua me 73 vota pro marrëveshja e facilitetit me Bashkimin Evropian, të përfaqësuar nga Komisioni, për rregullimet specifike për zbatimin e mbështetjes së BE-së për Shqipërinë, në kuadër të facilitetit për reforma dhe rritje.

Miratimi i kësaj marrëveshjeje do të mundësojë financimin nëpërmjet akordimit të një shume totale në vlerën 922 085 888 euro, nga të cilat 29% do të akordohen si grante dhe 71% si hua.