Marija Taseva, 20 vjeç, një nga të mbijetuarat e tragjedisë në diskotekën e Koçanit, ka dhënë një dëshmi të dhimbshme për momentet e tmerrit që përjetoi teksa përpiqej të shpëtonte nga flakët.

“Të gjithë filluan të vrapojnë jashtë. Të gjithë po përpiqeshin të shpëtonin. Motra ime ka humbur. Nuk mund ta gjejmë në asnjë spital. Tani presim këtu rezultatet për të parë nëse do ta gjejmë, nëse jo, përfundimisht në Shkup. Duke dalë jashtë rashë në tokë dhe të tjerët më shkelnin, thjesht me faqe isha në tokë”, tregoi e tronditur Taseva para kamerave të Ministrisë së Punëve të Brendshme.

Babai i saj, i dëshpëruar, tha se nuk kanë ende informacion për vajzën e tij të dytë, 25-vjeçare, e cila ishte gjithashtu e pranishme në diskotekë natën e tragjedisë.

Bilanci i rëndë i viktimave dhe të plagosurve

✅ 51 persona kanë humbur jetën
✅ 118 të lënduar, të moshës 14 deri në 25 vjeç, janë në spitale në Koçan, Shtip dhe Shkup

Autoritetet ende nuk kanë dhënë një shpjegim të qartë mbi shkakun e zjarrit, ndërsa familjarët e të zhdukurve vazhdojnë të presin me ankth lajme për të afërmit e tyre.