Një aksident i katërfishtë është regjistruar mbrëmjen e së dielës në aksin Lezhë-Laç, pranë Urës së Milotit. Katër makina janë përplasur si pasojë e një parakalimi të gabuar dhe shpejtësisë së lartë, që dyshohet të kenë qenë shkaktarët kryesorë të ngjarjes.

Burime nga vendi i ngjarjes bëjnë me dije se disa persona kanë mbetur të lënduar, por fatmirësisht kanë marrë ndihmën mjekësore në vend, pasi nuk kanë pësuar dëmtime të rënda.

Policia ka mbërritur menjëherë në vendngjarje dhe ka nisur hetimet për të zbardhur shkaqet dhe rrethanat e aksidentit.