Gjesti ironizon rikthimin e Egli Takos në “Big Brother VIP Albania”

Banori i “Big Brother VIP Albania”, Gjesti, ka vazhduar ta kthejë situatën me Egli Takon në humor, duke përdorur batuta dhe ironira. Së fundmi, ai është parë në kuzhinë duke pastruar, ndërsa këndonte disa vargje për banoren. Gjesti shprehu habinë sesi Egli e kishte “harruar” për vetëm nëntë ditë, pavarësisht fjalëve të dashurisë që i kishte thënë më parë. Ai tha me humor: “S’paska qenë dashuri, po paska qenë fiksim”, duke e quajtur situatën një “eskalim”.

Gjesti vazhdoi: “O s’kam lënë vend pa të përmend po qysh ke dal prej zemrës tem, o Egli im pse s’po flet për mua qysh për nëntë ditë dashuria qenka shkuar. Qysh për nëntë ditë më ke harruar, a më ke thënë që shumë të dua. S’paska qenë dashuri po paska qenë fiksim, ah zemra jem ke bërë eskalim”.

Ndërkohë, Egli ka ndryshuar tërësisht qasjen ndaj Gjestit dhe disa banorëve të tjerë pas rikthimit të saj në shtëpi, duke sjellë dinamika të reja në raportet mes tyre.