Pas paraqitjes në SPAK në kuadër të zbatimit të masës së sigurisë ndaj tij, kryedemokrati Sali Berisha mbajti një deklaratë të shkurtër për mediat, ku përmendi bisedat e përgjuara të kryebashkiakut të Tiranës, Erion Veliaj, dhe përmendi një person të quajtur “Redaktor”, të cilin ai e identifikoi si Edi Ramën.

Berisha e cilësoi këtë person si “Jagon e pa skrupullt”, duke theksuar se Veliaj, në bisedat e tij, kishte udhëzuar për çështje të ndryshme, përfshirë njerëz të njohur si Mjero Baze dhe Bolino. Ai u shpreh se një nga porositë e Veliajt kishte qenë se për një çështje do të pyetej “Redaktori”, i cili sipas tij është Edi Rama.

Tani, siç e don dhe transparenca, me të drejtë prisni t’u rrëfej se çfarë gjeta aty brenda, çfarë kishte në sallat dhe korridoret e Skapit të partisë. Sot, aty takova Redaktorin. Redaktori është një person, të cilin mediat e censuruan.
Mediat dëshmuan se Erion Veliaj, Lal Vjedhësi, në telefonatat e tij të panumërta, i jepte të vëllait porosi për Mjero Bazen, për Bolinon, për Yzeirin e të tjerë. Por atë që u fshehën mediat ju, ua them unë. 
Në urdhëresat dhe udhëzimet e tij ishte një shumë e veçantë. Për këtë çështje, thoshte, do pyetet Redaktori. Kjo çështje nuk do dalë pa u pyetur Redaktori. Tani, do thoni ju, cili ishte Redaktori. Redaktori ishte Edi Rama.

Dëgjojeni miq se çfarë Jagoje i paskrupullt është. Natën i ndërsente kundër Skapit, ditën sulmonte Etjenin se guxove të sulmonte Skapin. Ndërkohë, statuset e para janë të gjitha të redaktuara nga Redaktori. Po çfarë po bënte Redaktori këtu?
Redaktori këtu kishte vënë përpara një telajo dhe qejf e qejf po pikturonte mustaqet e Kujtim Gjuzit. Po, i them unë, çfarë ke ti me këto mustaqe? Ti i ke tuat. Epo këto të miat nuk më mbushin. E vërteta është kjo. Prandaj është i fiksuar.
Dhe çdo fjalë e tij çdo mëngjes fillon me mustaqet dhe mbaron pastaj e dini vetë me çfarë…