Aktorja izraelite Gal Gadot u bë qendra e vëmendjes më 18 mars, kur u nderua me një yll në Hollywood Walk of Fame, duke u bërë izraelitja e parë që arrin këtë sukses. Megjithatë, një moment i veçantë me vajzën e saj katërvjeçare, Daniella, ka ndezur një debat të madh në rrjetet sociale.

Në një video të shpërndarë gjerësisht, Gadot shihet duke puthur vajzën e saj në buzë, një gjest që menjëherë shkaktoi reagime të përziera mes ndjekësve. Disa e kritikuan atë për tejkalim të kufirit, duke e quajtur veprimin e saj të papërshtatshëm.

“Pavarësisht se sa herë njerëzit duan të këmbëngulin se është normale, puthja e fëmijës në buzë nuk është në asnjë mënyrë normale,” shkroi një përdorues në X (ish-Twitter).

Nga ana tjetër, shumë njerëz dolën në mbrojtje të aktores, duke theksuar se një gjest i tillë është një shprehje dashurie prindërore dhe një praktikë e zakonshme në kultura të ndryshme. “Është një gjë kulturore – njerëzit duhet të qetësohen,” komentoi një tjetër përdorues.

Pavarësisht debatit, Gadot e ka përjetuar këtë moment si një ditë të rëndësishme dhe emocionuese për karrierën e saj, ndërsa fansat e saj vazhdojnë ta mbështesin në këtë arritje historike.