Kryetari i Partisë Demokratike, Sali Berisha, ka publikuar një denoncim të një qytetari dixhital, i cili pretendon se statuset e kryebashkiakut Erion Veliaj kundër prokurorëve nuk janë shkruar prej tij, por nga Kryeministri Edi Rama dhe zyra e tij.

Sipas denoncimit, Veliaj nuk është në dijeni të statuseve në rrjetet sociale, pasi ato hartohen nga ekipi i komunikimit të Kryeministrit. Ndërkohë, qytetari denoncon gjithashtu lëvizje të tensionuara në Bashkinë e Tiranës, ku thuhet se Rama ka urdhëruar shkarkimin e nënkryetares Sara Goxhaj dhe sekretarit të përgjithshëm Alban Dokushi, pasi Veliaj u delegoi atyre firmën.

Në postimin e tij, Berisha shkruan se pas këtij vendimi, Rama ka shkuar në bashki me britma dhe ka urdhëruar protokollin të veprojë menjëherë. Këto zhvillime vijnë mes tensioneve të fundit brenda Partisë Socialiste dhe akuzave të ngritura ndaj Veliajt.