Presidenti i Serbisë, Aleksandar Vuçiç, ka reaguar ashpër ndaj memorandumit të nënshkruar mes Kosovës, Shqipërisë dhe Kroacisë për bashkëpunim në fushën e mbrojtjes. Ai e ka cilësuar këtë lëvizje si një “garë armësh”, duke theksuar se Serbia do të mbrojë vendin e saj nga çdo kërcënim i mundshëm.

“Është një situatë e vështirë për ne, por e kemi kuptuar mesazhin e tyre. Ne do ta mbrojmë vendin tonë nga çdo agresor i mundshëm, qoftë edhe një agresor kaq i fuqishëm”, deklaroi Vuçiç në Bruksel më 19 mars.

Deklarata e tij vjen pasi Shqipëria, Kroacia dhe Kosova nënshkruan në Tiranë më 18 mars një marrëveshje për forcimin e bashkëpunimit në siguri dhe mbrojtje, gjë që ka shkaktuar reagime në Beograd.