Një aksident tragjik ka ndodhur ditën e djeshme në Klos, ku një furgon përplasi një 4-vjeçar, i cili fatkeqësisht nuk mundi t’i mbijetonte plagëve të marra.

Sipas njoftimit të Policisë së Dibrës, drejtuesi i mjetit, shtetasi L. D., 53 vjeç, është arrestuar në flagrancë si i dyshuar për shkaktimin e aksidentit me pasojë vdekjen.

“Specialistët e Sektorit të Policisë Rrugore në Dibër kanë arrestuar në flagrancë shtetasin L. D., 53 vjeç, banues në Klos, i cili dyshohet se shkaktoi aksidentin fatal. 4-vjeçari u transportua menjëherë në spitalin e Traumës për mjekim të specializuar, por për fat të keq nuk mundi të mbijetonte. Materialet për këtë aksident dhe arrestimin e drejtuesit të mjetit iu referuan Prokurorisë së Dibrës për veprime të mëtejshme ligjore,” thuhet në njoftimin e policisë.

Autoritetet po vijojnë hetimet për të zbardhur rrethanat e plota të aksidentit, ndërsa ngjarja ka tronditur komunitetin lokal.