Sistemi RASFF i Bashkimit Evropian ka njoftuar autoritetet shqiptare se janë importuar ëmbëlsira të rrezikshme që përmbajnë copa metali. Sipas njoftimit të kategorisë “Alert”, duhet të tërhiqet menjëherë nga tregu produkti “Fruit Toffee” Mix 500g, i prodhuar në Marok dhe me datë skadence 26.04.2026, pasi ka kopsa metali që përbëjnë një rrezik serioz për shëndetin e konsumatorëve.

Kompania prodhuese ka zbuluar prani të copave të metalit gjatë një vetëkontrolli dhe ka kërkuar tërheqjen e menjëhershme të produktit nga tregu. Autoriteti Kombëtar i Ushqimit (AKU) ka nisur hetime dhe kërkesa për informacion lidhur me këtë rast, ndërsa ka identifikuar subjektin importues të këtyre ëmbëlsirave, “World Wine shpk”.

Pas inspektimeve të realizuara nga AKU në terren, është zbuluar se produktet e kontaminuara janë shitur tashmë dhe nuk janë më në dispozicion. Pavarësisht se AKU ka dhënë emrin e produktit dhe informacion mbi përmasat (500g), nuk është publikuar asnjë foto e ëmbëlsirave që përmbajnë rrezikun e copave të metalit.