Vatikani ka njoftuar se nesër në mesditë Papa Françesku do të bekojë dhe përshëndesë besimtarët nga dritarja e dhomës së tij në spitalin Agostino Gemelli në Romë.

Ky do të jetë shfaqja e tij e parë publike që nga 14 shkurti, kur u shtrua në spital për shkak të pneumonisë së dyfishtë. Fjalimi i Papës do t’i shpërndahet edhe shtypit në formë të shkruar.

Javën e kaluar, Vatikani publikoi një fotografi të Papës duke u lutur në një kishëz spitalore, por ai nuk është parë më në publik.

Gjendja e tij shëndetësore po përmirësohet, sipas Vatikanit, por një zyrtar bëri të ditur se Papa mund të duhet “të mësojë të flasë” sërish, pas përdorimit të gjatë të terapisë me oksigjen.