Ish-presidenti i Kroacisë, Stipe Mesiç, ka komentuar marrëveshjen ndërmjet Kosovës, Shqipërisë dhe Kroacisë në fushën e mbrojtjes, duke e vlerësuar si një marrëveshje të mirë. Mesiç ka theksuar për “Gazeta Expres” se presidenti i Serbisë, Aleksandër Vuçiç, nuk ka arsye të shqetësohet, pasi kjo marrëveshje është për qëllime mbrojtjeje dhe jo për sulm.

Marrëveshja ka marrë shumë vëmendje, sidomos në Serbinë e Vuçiç, i cili ka tentuar ta paraqesë si një zhvillim kundër Serbisë. Gjatë takimit të tij me Sekretarin e NATO-s në Bruksel, Vuçiç kishte theksuar se kjo marrëveshje ishte një mesazh të qartë për Serbinë, duke shtuar se Serbia do ta mbrojë vendin e saj nga çdo agresor.

Ministria e Punëve të Jashtme të Serbisë ka deklaruar se do t’i kërkojë llogari Kroacisë dhe Shqipërisë për këtë marrëveshje. Nga ana tjetër, Mesiç ka pohuar se kjo marrëveshje mund të zgjerohet edhe me shtete të tjera, duke i hapur rrugë bashkëpunimit ndërkombëtar për qëllime mbrojtëse.