Pas eliminimit të saj të shtunën në një eliminim të dyfishtë, Rizarta ishte e ftuar në emisionin “Ftesë në 5”, ku ndau përjetimet e saj mbi eksperiencën në shtëpinë më të famshme në Shqipëri.

Përplasjet me Eglin

Rizarta e cilësoi lojën e Eglit si të ekzagjeruar, duke shtuar se debatet me të nuk kanë një fund, por vetëm përsëriten.

Marrëdhënia me Aldon

Sa i përket raportit të saj me Aldon, ajo u shpreh se, nëse diçka do të zhvillohet jashtë shtëpisë, do ta mirëpresë. Megjithatë, brenda lojës zgjodhi ta ndalonte pëlqimin e saj, për shkak të sulmeve të vazhdueshme nga banorët e tjerë.

Rrëfimi mbi familjen

Duke folur për momentet e saj më emocionale në shtëpi, Rizarta sqaroi se ishte shumë vulnerabël kur ndau përjetimet e saj familjare. Ajo shtoi se, pavarësisht të gjithave, tashmë i ka falur prindërit dhe ka gjetur paqe me të kaluarën e saj.