Pedro Pascal ka sqaruar spekulimet që qarkulluan pas një darke me Jennifer Aniston në Los Angeles, duke mohuar çdo lidhje romantike mes tyre.

Aktori i njohur i “The Last of Us” dhe “Gladiator 2” u pyet për këtë çështje në tapetin e kuq dhe dha një përgjigje të qartë për E! News:

“Ne jemi miq dhe shkuam në darkë me miq të përbashkët. Kjo ndodh,” tha ai, duke konfirmuar se nuk ka asgjë më shumë mes tyre.

Spekulimet nisën kur dyshja u fotografuan pas një darke 3-orëshe në Sunset Tower Hotel, por një burim për Page Six e mohoi kategorikisht një lidhje romantike:

“Nuk ka asnjë romancë që po ndodh mes Jennifer Aniston dhe Pedro Pascal. Ata e respektojnë njëri-tjetrin si artistë, por marrëdhënia e tyre është rreptësisht platonike.”

Kjo nuk është hera e parë që fansat kanë spekuluar për një lidhje mes tyre. Në Critics Choice Awards, dy aktorët shfaqën një kimi të veçantë gjatë një interviste të përbashkët, madje Pascal u shpreh i hapur për një rol të ftuar në serialin e Jennifer-it, ‘The Morning Show’.