Një rast tronditës është zbuluar në Vlorë, ku një 40-vjeçar është arrestuar për abuzim seksual me një 15-vjeçare dhe nxitje të të miturve për përdorim droge.
Policia e Vlorës njofton se ka ndaluar Rinald Rakipaj, 40 vjeç, i cili dyshohet se më 22 mars 2025 ka kryer marrëdhënie seksuale me një vajzë 15-vjeçare.
Gjithashtu, ai në bashkëpunim me F.Q., 33 vjeç, ka nxitur 15-vjeçaren dhe dy shoqe të saj, 15 dhe 16 vjeçe, për të konsumuar lëndë narkotike. Për këtë arsye, F.Q. po hetohet për veprën penale “Nxitja për përdorimin e drogës”, ndërsa R.R. akuzohet për “Marrëdhënie seksuale ose homoseksuale me të mitura” dhe “Nxitje për përdorimin e drogës”.
Specialistët e Seksionit për Hetimin e Narkotikëve të DVP Vlorë ndaluan shtetasin R. R., 40 vjeç, banues në Vlorë, për veprat penale “Marrëdhënia seksuale ose homoseksuale me të mitura” dhe “Nxitja për përdorimin e drogës”, pasi më datë 22.03.2025 dyshohet se ka kryer marrëdhënie seksuale me një 15-vjeçare. Gjithashtu, shtetasi R. R. dyshohet se në bashkëpunim me shtetasin F. Q., 33 vjeç (për të cilin ka nisur procedimi penal për veprën penale “Nxitja për përdorimin e drogës”), ka nxitur 15-vjeçaren dhe dy shoqe të saj, 15 dhe 16 vjeçe, për të përdorur lëndë narkotike”-njofton policia e Vlorës.
