Ish-banorja e “Big Brother VIP Kosova”, Xheneta Fetahu, ka reaguar ashpër ndaj rikthimit të Egli Takos në “Big Brother VIP Albania”, duke e cilësuar këtë si një dështim për të.

Gjatë emisionit “E Diell” në Top Channel, Xheneta akuzoi Eglin se po e imiton vazhdimisht, duke përdorur të njëjtat fjalë dhe situata që ajo kishte krijuar gjatë qëndrimit të saj në reality show.

“Prej momentit kur Egli është rikthyer, është dështim për të. Ajo humb identitetin e saj sepse përdor fjalët dhe situatat që kam pasur unë. Ajo po më imiton tërë kohën. Nuk e kuptoj pse është e nevojshme të më kopjojë mua,” – u shpreh Xheneta.

Deklaratat e saj kanë shkaktuar debate të forta mes opinionistëve dhe ndjekësve të formatit, duke ngritur pikëpyetje mbi strategjinë e Eglit në lojë. Rikthimi i ish-banorëve ka sjellë tensione dhe ka ndikuar në dinamikën e shtëpisë, duke u bërë një nga temat më të diskutuara të këtij edicioni.