Aktori i njohur amerikan Richard Chamberlain ka ndërruar jetë në moshën 90-vjeçare, si pasojë e një goditjeje në tru, raporton Variety.

I lindur më 31 mars 1934 në Beverly Hills, Chamberlain u bë një yll ndërkombëtar në vitet 1960 me rolin e tij në serialin mjekësor “Dr. Kildare”, i cili e shndërroi atë në një nga aktorët më të dashur të kohës. Përveç suksesit në ekran, ai ishte edhe këngëtar, duke publikuar disa albume dhe këngë, mes të cilave hiti “Three Stars Will Shine Tonight”.

Pas triumfit në televizion, Chamberlain iu përkushtua teatrit dhe filmit, duke lënë një gjurmë të rëndësishme në botën e artit. Vdekja e tij shënon humbjen e një ikone të kinemasë dhe televizionit amerikan.