Universiteti Sapienza i Romës ka mbajtur homazhe në nder të Ilaria Sulës, 22-vjeçares shqiptare që u vra në mënyrë makabre nga ish i dashuri i saj.

Mijëra studentë u mblodhën në hyrje të fakultetit, ku vendosën lule dhe mbajtën fjalime për Sulën, e cila u gjet brenda një valixheje pas disa ditësh e shpallur e humbur.

Në nder të saj, studentët zhvilluan një protestë simbolike të quajtur “heshtje e zhurmshme”, ku e vetmja tingull ishte ai i çelësave, një shenjë simbolike kundër dhunës ndaj grave.

Homazhe për Ilarian u mbajtën edhe në Bolonja, ku qindra studentë u mblodhën për të nderuar si Sulën, ashtu edhe Sara Campanellën, një tjetër viktimë e dhunës, e cila u vra disa ditë më parë në Mesina nga një përndjekës.

Ngjarja ka tronditur opinionin publik në Itali dhe ka sjellë në vëmendje çështjen e sigurisë dhe mbrojtjes së grave nga dhuna.