Këtë të diel, qyteti i Pogradecit është përballur me reshje dëbore me intensitet deri në mesatar, një fenomen i pazakontë për këtë periudhë të vitit. I njohur ndryshe si “plakat e prillit”, ky episod moti ka sjellë një rikthim të shkurtër të dimrit në rajonin juglindor të Shqipërisë.

Aktualisht, nuk raportohet për probleme në qarkullimin rrugor, ndërsa autoritetet janë në gatishmëri për çdo situatë të mundshme. Deri tani nuk ka të dhëna nëse bora do të ndikojë në bujqësi, por pritet që specialistët e fushës të vlerësojnë në vijim ndikimin e këtij ndryshimi të papritur të motit në të mbjellat pranverore.

Këto zhvillime vijnë në një kohë kur, në pjesën më të madhe të vendit, temperaturat kishin filluar të rriteshin dhe bujqësia kishte hyrë në një fazë intensive të punimeve.