Pas zërave të shumtë që qarkullojnë në media mbi një krizë në çiftin e njohur Big Basta dhe Vesa Luma, vetë reperi ka reaguar për herë të parë publikisht nga brenda reality show-t “Ferma VIP 2”. Ai mohoi kategorikisht ndarjen dhe theksoi se është ende shumë i dashuruar në partneren e tij, me të cilën ndan një jetë familjare dhe një djalë të vogël.

“Unë nuk kam ardhur këtu për të rënë në dashuri, fare, ça flet. Unë jam shumë i dashuruar në Vesën. Kemi një fëmijë të vogël. Si të bie në dashuri, më kë të bie njëherë, me Albin?”, u shpreh ai në një bisedë me konkurrenten Silvana.

Megjithatë, deklarata nuk i ka shuar të gjitha dyshimet e publikut dhe fansave. Kur u pyet nga Luana Vjollca për kë do ta merrte më shumë malli gjatë qëndrimit në “Ferma VIP”, Big Basta u përgjigj shkurt: “Djalin”, ndërsa më vonë shtoi: “Edhe familjen”, pa përmendur në asnjë moment emrin e Vesës.

Një tjetër detaj që ka tërhequr vëmendjen është mungesa e çdo reagimi nga Vesa Luma në rrjetet sociale. Ajo nuk ka bërë asnjë postim mbështetës për partnerin e saj, ndryshe nga ç’është parë më parë në çiftin që shpesh ka ndarë momente personale me ndjekësit.

Edhe gjatë një momenti në fermë, kur u vendos një këngë e Vesës dhe Big Basta u përfshi në atmosferë duke kënduar dhe kërcyer, ai përshëndeti vetëm djalin e tij, duke e lënë sërish partneren jashtë vëmendjes së drejtpërdrejtë.

Për momentin, mbetet për t’u parë nëse çifti po kalon një periudhë të vështirë, apo nëse zërat janë thjesht spekulime mediatike që do të sqarohen pas daljes së Big Bastës nga “Ferma VIP”.