Reperi i njohur Burim Kursani, i njohur për publikun si Bim Bimma, po përballet me një situatë të vështirë në jetën personale. Sipas burimeve për “Prive” në Klan Kosova, ai është ndarë nga bashkëshortja e tij, me të cilën është martuar në vitin 2018 dhe kanë një djalë së bashku.

Ndarja nuk është një zhvillim krejt i papritur për publikun. Para rreth dy vitesh u përfol për një krizë në marrëdhënien e çiftit, e cila u reflektua në distancën e tyre në rrjetet sociale, mungesën e postimeve të përbashkëta dhe heshtjen për të gjitha zhvillimet private.

Asokohe, nuk pati konfirmim zyrtar për ndarje, dhe shumëkush e konsideroi një fazë kalimtare në martesën e tyre. Por me rikthimin e lajmeve për një ndarje dhe me heshtjen e dyanshme nga çifti, duket se raporti i tyre është sërish në pikëpyetje.

A është kjo një ndarje përfundimtare apo një tjetër krizë që mund të zgjidhet? Kjo mbetet për t’u parë në javët në vijim, ndërsa fansat e reperit janë në pritje të një reagimi të drejtpërdrejtë nga vetë Bim Bimma.