Opinionisti i njohur i “Big Brother VIP Albania”, Arbër Hajdari, ka reaguar me tone të forta pas incidentit të ndodhur gjatë spektaklit të mbrëmshëm, ku konkurrenti Jozefin Marku goditi fizikisht banorin Gjesti (Besart Kelmendi). Ngjarja e paprecedentë ka shkaktuar një valë reagimesh në publik dhe rrjetet sociale, ndërsa Arbri nuk ngurroi të shprehej qartë për qëndrimin e tij.
Në fjalën e tij gjatë transmetimit live, ai u shpreh:
“Jozefin Marku sot dëshmoi se është një djalë i poshtër. Ajo që ndodhi ishte një ngjarje e paprecedentë në historinë e Big Brother. Mua, Loredana, më vjen keq për ty, edhe pse ju kam ndarë në raportin që keni pasur. Përgëzoj Policinë e Shtetit për shoqërimin e menjëhershëm.”
Ndërsa në një postim në Instagram, Hajdari theksoi:
“Sot pamë një akt të turpshëm nga dikush që zgjodhi dhunën në vend të dinjitetit. Një shuplakë nuk tregon forcë, por dobësi. Kjo burracakëri do ta ndjekë gjatë – si njollë që nuk fshihet, si turp që nuk harrohet.”
Reagimi i Hajdarit është cilësuar si një qëndrim i drejtë dhe i prerë ndaj dhunës, duke përforcuar mesazhin se në një shfaqje që ndiqet nga mijëra shqiptarë, nuk ka vend për akte agresioni. Spektatori dhe publiku në rrjet kërkojnë tani më shumë transparencë dhe reagim të qartë nga produksioni për të vendosur standarde të forta morale dhe ligjore brenda formatit.
