Ethel Caterham nga Surrey, Britania e Madhe, është zyrtarisht personi më i moshuar në botë në moshën 115-vjeçare, pasi motra murgeshë nga Brazili, Inah Canabarro Lucas, ndërroi jetë në moshën 116 vjeç.
Ethel ka lindur më 21 gusht 1909 dhe është nënshtetasja e fundit e mbijetuar që ka lindur gjatë mbretërimit të Mbretit Eduard VII. Ajo është tashmë e regjistruar në Librin e Rekordeve Guinness dhe nga organizata LongeviQuest, si njeriu më i vjetër në botë.
Në ditëlindjen e saj të fundit, Ethel u shpreh me humor se sekreti i jetëgjatësisë së saj ishte të mos ziheshe me askënd, të dëgjoje të tjerët dhe të bëje atë që doje vetë. Për këtë përvjetor të veçantë, ajo mori edhe një letër nga Mbreti Charles III, i cili u shpreh i frymëzuar nga jeta e saj “magjepsëse dhe e rrallë”.
Ajo u kthye në Britani në vitin 1931, ku njohu bashkëshortin e saj të ardhshëm, Norman Caterham, me të cilin u martua në katedralen e Salisburyt në vitin 1933. Prej më shumë se 50 vitesh jeton në Surrey dhe ka drejtuar makinën vetë deri në moshën 97-vjeçare.
Edhe familja e saj ka një histori jetëgjatësie, pasi motra Gladys jetoi deri në 104 vjeç. Ethel vazhdon të jetë simbol i qëndrueshmërisë dhe një dëshmi e gjallë e historisë së shekullit XX.
