25.5 C
Tiranë
Monday, August 4, 2025
spot_img

Edi Rama në Dibër: Prezenton investimet dhe projektet për zhvillimin e rajonit

Kryetari i Partisë Socialiste, Edi Rama, ka vijuar takimet e tij elektorale në prag të zgjedhjeve të 11 majit, duke vizituar qarkun e Dibrës më 2 maj, në një aktivitet përmbyllës. Gjatë qëndrimit në qytetin e Burrelit, Rama prezantoi investimet e planifikuara për një dekadë në këtë rajon, duke përfshirë përmirësimin e infrastrukturës dhe lidhjen më të ngushtë të zonave me njëri-tjetrin.

Në takimin elektoral, Rama theksoi arritjet e deritanishme të qeverisë dhe theksoi se, megjithatë, ende ka shumë punë për të bërë. Ai premtimi që, në vitet që vijnë, Dibra do të shndërrohet në një nga zonat më të lakmuara të Shqipërisë, duke u bërë pjesë e metropolit të zhvilluar.

Një nga projektet kyçe që Rama përmendi ishte ndërtimi i Rrugës që lidh Burrelin me Ulzën, një investim i rëndësishëm për zhvillimin e Dibrës dhe të Matit, i cili, sipas tij, do të sjellë mundësi për investime dhe do të përmirësojë jetesën e banorëve të këtyre zonave. “Në dekadën e ardhshme, Dibra do të bëhet një nga zonat më të zhvilluara dhe të lakmuara”, shtoi ai, duke u shprehur se është e domosdoshme të përmirësohen akseset rrugore për të mundësuar zhvillimin e mëtejshëm.

Në fjalën e tij, Rama u ndal edhe në batutat e zakonshme, duke i shtuar humor dhe dinamizëm fjalimit të tij për të pranishmit. Ai përmendi gjithashtu konkurrencën mes dibranëve dhe matjanëve, duke përmendur se ndërsa ka një atmosferë disi më të ngrohtë mes matjanëve, projekti për rrugën që lidh Burrelin me Ulzën është një prioritet për të ardhmen e këtij rajoni.

PS ka bërë shumë, por ka akoma për të bërë. Në dekadën e ardhshme, Dibra do jetë pjesa më e lakmuar e metropolit të Shqipërisë. Akseset në pjesët më të rëndësishme janë të domosdoshme, ne duam ta bëjmë edhe Rrugën e Lurës. E di se ka konkurrencë të brendshmes mes dibranëve dhe matjanëve.
Sa herë që them ndonjë gjë për dibranët, sikur nuk ka duartrokitje shumë të nxehta. Në mandatin e katërt, do bëjmë rrugën që lidh Burrelin me Ulzën. Kjo, sepse është një zonë shumë e bukur. Ajo rrugë, kur të transformohet, do bëhet e lehtë të bëhen investime në atë anë”, u shpreh Rama.

Në postimin e tij në rrjetet sociale, Rama e përshkroi këtë aktivitet si një hap të rëndësishëm drejt synimit për Shqipërinë 2030 në Bashkimin Europian, duke i bërë thirrje qytetarëve të Dibrës dhe të gjithë Shqipërisë të mbështesin projektet dhe politikat që do të sjellin zhvillim dhe mundësi për të gjithë.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT

Sulme ajrore ruse në Zaporizhia, tre të vrarë dhe dëme të mëdha në infrastrukturë

0
ZAPORIZHIA – Të paktën tre persona kanë humbur jetën si pasojë e sulmeve ajrore të ushtrisë ruse në rajonin e Zaporizhias, në juglindje të...

Skandal në Britani – Dhëndri i Majlinda Bregut arrestohet për komplot droge prej 335...

0
TIRANË/LONDËR – Një goditje e fortë ndaj krimit të organizuar me rrënjë shqiptare ka tronditur opinionin publik dhe ka vënë në qendër të vëmendjes...

Mbyllen hetimet për Ilir Metën – Avokati: “Mali me akuza, rezultoi një hiç”

0
Tiranë – Prokuroria e Posaçme kundër Korrupsionit dhe Krimit të Organizuar (SPAK) i ka komunikuar zyrtarisht mbylljen e hetimeve ish-Presidentit të Republikës dhe kreut...

AfD ngjitet në sondazhe: Mbështetja për ekstremistët e djathtë arrin në 25%

0
Gjermani – Partia e ekstremit të djathtë Alternativa për Gjermaninë (AfD) ka shënuar një rritje të re në mbështetje, duke arritur në 25 përqind,...

“Çekiçi 14” përplaset me Bashkinë: Protestë me gurë, mesazh direkt Ramës

0
Korçë – Incidenti që tronditi qytetin e Korçës dy ditë më parë vijon të ndezë debatet në rrjet dhe opinionin publik. Kostandin Dramolli, i...