Flobens Meçja, i njohur me nofkat “Gega” dhe “Drini”, dhe i shpallur në kërkim nga SPAK për vepra të rënda penale, është arrestuar gjatë një operacioni policor në Gjirin e Lalzit, së bashku me gjashtë persona të tjerë. Ndër të ndaluarit është edhe Xhevdet Plaku, i arratisur më parë nga burgu i Ankonas në Itali, raportoi Gazeta Sinjali.

Meçja akuzohet për:
• Pjesëmarrje në organizatë kriminale,
• Veprime të grupit të strukturuar kriminal,
• Sigurim të kushteve për vrasje.

Gjatë kontrollit të ushtruar nga policia, ndaj Meçjes u sekuestruan:
• Dy dokumente të falsifikuara identiteti, dhe
• Një armë zjarri me fishek në fole, gati për përdorim të menjëhershëm.

Pjesë e përgjimeve të “Sky ECC”

Hetimet e thelluara zbuluan përfshirjen e Meçjes në rrjetin e komunikimeve të koduara të aplikacionit Sky ECC, i përdorur nga grupe kriminale për të organizuar aktivitetet e tyre. Në këto përgjime, Flobens Meçja shfaqej i gatshëm të kryente atentate me pagesa milionëshe, në bashkëpunim me figura të tjera të botës së krimit.

Në biseda me të shumëkërkuarin Franc Çopja, Meçja pranoi angazhimin për eleminimin e Erion Alibejt, një objektiv i rëndësishëm në luftën mes grupeve kriminale. Ai përmendte madje përdorimin e snajperit, si dhe kërkonte të dhëna mbi kamerat e sigurisë dhe lëvizjet e shënjestrës.

Hetuesit zbuluan se Meçja kishte marrë kaparin dhe kishte planifikuar vrasjen e katër personave të ndryshëm, duke bashkëpunuar edhe me një qitës serb, i përfshirë në atentatin që nuk u realizua.

Goditje e rëndësishme ndaj krimit të organizuar