Policia e Kosovës ka zhvilluar një aksion në ambientet e Ministrisë së Infrastrukturës në Prishtinë, si pjesë e një hetimi për keqpërdorim të detyrës zyrtare. Sipas informacioneve të para, tre zyrtarë janë arrestuar, përfshirë Florije Kelmendi Selimin, nënën e reperit të njohur kosovar, Ghetto Geasy.

Aksioni u krye me autorizim të Prokurorisë kompetente, ndërsa zëdhënësi i Policisë së Kosovës, Baki Kelani, konfirmoi zhvillimet duke theksuar se:

“Policia e Kosovës, me njësitë e saj relevante, është duke kryer hetime ndaj disa personave mbi dyshimet për keqpërdorim të detyrës zyrtare.”